«Балалардағы қант диабеті» тақырыбында колледжішілік конференция
2026 жылғы 6 наурызда арнайы пәндер оқытушысы Д. С. Бекбергенованың басшылығымен 4-ЛД-ВК тобының студенттері арасында студенттердің кәсіби білім деңгейін арттыруға және болашақ мамандардың аурудың алдын алу және ерте анықтау дағдыларын қалыптастыруға бағытталған «Балалардағы қант диабеті» тақырыбында колледжішілік конференция өтті.
Іс-шара барысында қатысушылар балалар диабетін диагностикалау, емдеу және алдын алудың өзекті мәселелеріне арналған баяндамалар мен презентациялар ұсынды.
Балалар мен жасөспірімдер арасындағы қант диабеті ауруының өсу проблемасына, аурудың даму қаупінің факторларына, сондай-ақ пациенттерді бақылаудағы және ата-аналарға осы аурумен ауыратын балаларды күту ережелерін үйретудегі мейірбикенің рөліне ерекше назар аударылды.
Конференция қорытындысы бойынша Мирзабекова Назгүл, Аманғали Аружан, Ноян Аяулым, Серікбол Аида қатысушы сертификаттарымен марапатталды.
