2026 жылғы 29 мамырда оқытушысы Қ. А. Гаипов 1ЛД-ВК тобында «Алғашқы әскери және технологиялық дайындық» пәні бойынша «Калашников автоматын (қол пулеметін) жартылай бөлшектеу және жинақтау» тақырыбында ашық сабақ өткізді.
Сабақ барысында студенттер Калашников автоматының құрылысы мен атқаратын қызметі туралы теориялық білімдерін бекітіп, оны толық емес бөлшектеу және жинақтау бойынша практикалық дағдыларын жетілдірді. Ерекше назар қауіпсіздік техникасын сақтауға, әрекеттерді дұрыс ретпен орындауға және оқу қаруымен жұмыс істеу кезіндегі тәртіпті қалыптастыруға аударылды.
Сабақ көрнекі материалдар мен практикалық жаттығуларды пайдалану арқылы жоғары әдістемелік деңгейде өтті. Студенттер берілген тапсырмаларды орындау барысында белсенділік танытып, пәнге қызығушылық көрсетіп, жақсы практикалық дағдыларын көрсетті.
