2019 жылдың 24 сәуірде «Даналық» колледжінің студенттері «Рухани жаңғыру» бағдарламасын жүзеге асыру аясында «Астана жастары» жастардың ресурстық орталығы ұйымдастырған «Қазақстан студенттерінің альянсы» жастар ұйымының көшбасшысы Ільяс Түстікбаевпен кездесуге қатысты.
Осы іспеттес кездесулер Жастар жылы аясында өткізілетін іс-шаралардың ерекше бағыты болып саналады және жастардың үшінші сектор – үкіметтік емес ұйымдармен танысуына мүмкіндік береді.
Кездесу спикері Ілияс Түстікбаев қатысушыларды Қазақстан студенттерінің альянсының қызметімен таныстырып, алдағы жоспарлы мен жаңа заманауи кеңселерінің бейнебаяндық шолуымен бөлісті. Аталған жастар ұйымы республика көлемінде жастарды қолдау, мәдениет, экология мен білім салаларындағы маңызды жобаларды іске асыруда.
«Медбикелік іс» мамандығының 3-ші курс студенті Бекмурадова Диана өзінің жарыс сөзінде елорда жастары өздерінің бастамашылдықтарымен, креативтіліктерімен және жетістіктерімен барлығын таң қалдыра отырып Жастар жылындағы жүзеге асырылатын барлық жобалардың басында болып келетіндігін және бола беретіндігін атап өтті. «Бүгінгі күні бізге мемлекет тарапынан үлкен жауапкершілік артылып отыр. Жаңа әлем, жаңа өмірді құратын адамдар – бұл біз жастар, осы себепті біз айналамызда орын алып жатқан өзгерістерге немқұрайлы қарай алмаймыз.
 |
 |
 |
 |