2022 жылдың 25 мамырында колледж студенттері «Bagdar.kz» Қасымов М.М., «Көшбасшы» Н.Б. Төлеуова клуб жетекшілерімен және оқытушылар П. Б. Оразаева, Ю. О. Найденова техникалық және кәсіптік білім беретін оқу орындарының Балалар жылы аясында мектеп түлектеріне арналған «Студенттік арбат» қалалық көрме-фестиваліне қатысты.
Көрме-фестиваль жалпы білім беретін мектеп түлектеріне елорданың техникалық және кәсіптік білім беру ұйымдары туралы қажетті ақпаратты ұсыну мақсатында өткізілді және мектеп оқушыларының кәсіби өзін-өзі айқындауын қалыптастыруға, оларға мамандық таңдауда көмек көрсетуге, сондай-ақ ТжКБ мамандықтарының беделі мен имиджін арттыруға бағытталған.
Іс-шара аясында колледж студенттері мен оқытушылары көрмеге келушілерге медициналық-профилактикалық тексеру жүргізді, сондай-ақ студенттер колледждің жарнамалық өнімдерін таратып, концерттік бағдарламаға қатысты.
