2019 жылдың 1 наурыз күні «Ақ жол» жобасының студенттері Назым Қаирбаевна Баранбаеваның жетекшілігімен «Кәмелеттік жасқа толмағандардың бейімделу орталығы» коммуналдық мемлекеттік мекемесінде «Ризашылық- Балалардың игілігі үшін мейірімділік»-атты іс-шараға қатысты. Іс-шара мақсаты жасөспірім буынның бойында толеранттылықты, достықты құрметтеуді және өзара сыйластықты тәрбиелеу, сонымен қатар Қазақстандағы этносаралық келісімді және ұлтаралық қарым-қатынасты нығайту.
«Кәмелетке толмағандардың бейімделу орталығы» коммуналдық мемлекеттік мекемесінің директоры Белгібаев Аманжол Кенжетайұлы «Даналық» колледжінің «Ақ жол» жобасының жетекшісі Назым Қаирбаевна Баранбаеваны көрсеткен қолдаулары үшін және ата-ана жылуынсыз қалған балалар мәселесіне түсіністікпен ат салысқандықтары үшін өз алғысын білдірді.
Астана қаласының әкімшілігіне қарасты КММ «Кәмелетке толмағандарды бейімдеу орталығының» тәрбиеленушілері үшін «Даналық» колледжінің студенттері музыкалық- шығармашылық нөмерлер дайындады: Өсеров Азамат қазақтың ұлттық аспабы домбырада «Наусқы» күйін орындады, ал Хайратұлы Арман «Қазақтын баласы» әнін шырқады, Дана ансамблі «Ақ Кербез» биін биледі.
 |
 |
 |
|