2021 жылдың 5 мамырында куратор Турлыбекова Кульназия Данышпановнаның жетекшілігімен «Емдеу ісі» мамандығының 1 курс студенттерімен Ұлы Жеңіс күніне арналған кураторлық сағат өткізілді.
Іс-шараның мақсаты: Студенттерге Ұлы Отан соғысы, Жеңіс күні туралы түсінік беру. Қаза тапқан батырларды еске алуға құрмет сезімін тәрбиелеу. Біздің Отанымыздың тарихының қаһармандық беттерімен таныстыру және патриоттық сезімді тәрбиелеу.
Әлемдік тарихтағы ең қорқынышты соғыстардың бірі — Ұлы Отан соғысы 76 жыл бұрын аяқталған. Біз елімізді жойылып кетуден қорғаған ата-бабаларымызға ризамыз. Олардың арқасында бүгін біз мамыр айының жылы және алаңсыз күндерін өткізіп жатырмыз. Олардың ерлігі ешқашан ұмытылмауы керек! Іс-шараға студенттер соғыстың кейбір эпизодтары мен оқиғалары туралы материал дайындап, өлеңдер оқыды, туыстары туралы әңгімеледі. Жеңісті жақындатқан майдангерлер туралы бейне-видео дайындады.