2018 жылдың 05 наурызы күні Политехникалық колледж базасында «Даналық» колледжі Астана қаласының Білім басқармасының жетекшілігімен 5 жыл қатарынан «Екі жұлдыз» атты қалалық музыкалық сайысын өткізді. Сайысқа елордамыздың колледждерінің оқытушылары мен студенттері қатысты.
Сайыс мақсаты: студенттерді рухани-адамгершілік жағынан және азаматтық-патриоттық тұрғыдан тәрбиелеу, ересектер мен студенттердің арасындағы шығармашылық әріптестік, жас буынды тәрбиелеу барысында көркем шығармашылықтың әсерін арттыру. Бұл сайыс көктемгі мереке қарсаңында өткізілді. 8 наурыз – әдемілік пен қайырымдылыққа толығажайып күн. Музыкалық сайысты Білім басқармасының ТжКББ бөлімінің жетекшісі — Басыгараева Салтанат Кайратқызы, республиканың еңбек сіңірген қайраткері — Магзум Муса Оралұлы, білім беруді жаңғырту орталығының әдіскері — Исина Нагима Саткенқызы, Үздік мұғалім -2006, Ыбырай Алтынсарин төсбелгісінің иегері, мәдениетке еңбек сіңірген қайраткер, № 2 өнер мектебінің — Жангелді Гүлмира Жангелдіқызы, «Жас StaR Group» компаниясының жетекшісі, » Жас StaR Креативтік агентігі» ЖШС директоры, Республикалық Жастар Қоғамдық Бірлестігі КТК Қазақстандық Жоғары Лигасының президенті — Бейсенов Нұржан Зейнебекұлы, КТК ның мүшесі, КТК телеарнасының әртүрлі жобаларының қатысушысы — Карамырзаев Бакытбек сынды білікті әділқазылар бағалады.
 |
 |
Сайыста лайықты жеңімпаз ретінде 1 дәрежелі дипломмен Политехникалық колледж марапатталды. 2 орынды – Гуманитарлық колледж, 3 орынды «Экономика және тағам өнімдерінің технологиясын стандарттау» колледжі иеленді. Номинациялар: «Актерлік шеберлік»- «Даналық» колледжі, «Көрермен көзайымы» — «Көлік және коммуникация колледжі» МКҚК марапатталды, сонымен қатар «Жоғары деңгейдегі орындаушы» номинациясымен «Энергетика және байланыс» колледжінің қатысушысы Кеңес Қанат Есенгелдіұлы марапатталды.
