2023 жылғы 23 қаңтарда колледж оқытушылары мен қызметкерлері ҚР ДСМ «Шұғыл медицинаның Ұлттық Үйлестіру орталығы» ШЖҚ РМК-да BLS (базалық жүрек-өкпе реанимациясы) бойынша семинар-тренингтен өтті. Тыңдаушылар заманауи жабдықтарда әр әрекетті қолдарымен пысықтады. Ең маңызды өмір сүру алгоритмдеріне сәйкес әрекет етуді үйренді.
Basic Life Support (BLS) жүрек-өкпе реанимациясын жүргізудің алгоритмі оқиға орнында зардап шеккен адамның жанында болған медицина саласында арнайы білімі жоқ адамдарды таныстыруға арналған. Клиникалық қайтыс болған жәбірленушінің қасында болған кез-келген адам оған медициналық көмек көрсетіп, жедел медициналық көмек тобын шақыруы керек.
Аяқтағаннан және дағдыларды сәтті игергеннен кейін тыңдаушыларға сертификаттар берілді.
