2018 жылдың 2 наурызы күні Алғыс айту күні мерекесіне орай Астана қ. әкімшілігінің «Кәмелетке толмағандардың бейімделу орталығы» КММ-сі «Ризашылық- Балалардың игілігі үшін мейірімділік» — атты іс-шара өткізді. Шараға келесі қонақтар шақырылды: Жерінбай Е.С. – ҚР Білім және ғылым Министрлігінің халықаралық әріптестік және балалар құқығы басқармасының басшысы, Орынбасарова Л.Ж. — Астана қаласының Білім басқармасына қарасты кәмелетке толмағандардың құқығын қорғау бөлімінің жетекшісі, Баранбаева Н.К. – «Даналық» колледжінің бөлім меңгерушісі.
Өткізілген іс-шараның мақсаты – жасөспірімдердің бойында толеранттылықты, достықты және өзара сыйластықты құрметтеуді тәрбиелеу, сонымен қатар Қазақстандағы этносаралық келісімді және ұлтаралық қарым-қатынасты нығайту.
Астана қ. әкімшілігінің «Кәмелетке толмағандардың бейімделу орталығы» КММ директоры Белгібаев А.К. «Даналық» колледжінің директоры Мурзагуловаға С.В. және «Ақжол» жобасының жетекшісі Баранбаеваға Н.К. – ата-анасының қамқорлығынсыз қалған балалардың мәселесіне бей-жай қарай алмай оларға қолдау көрсеткендері үшін өз алғысын білдірді.
Орталық тәрбиеленушілеріне сыйлық ретінде «Даналық» колледжінің студенттері Донова Асылзат және Утеулина Аяулым тамаша билерді тарту етті.
