2022 жылдың 11 наурызында туберкулезбен күрес айлығы аясында колледж студенттері үшін медбике Айдарова Алтынай Амангельдиновна мен эдвайзер Темирбеков Азат Анарбекович «24 наурыз — Дүниежүзілік туберкулезбен күрес күні»атты дәрісін оқыды.
Қазіргі медицинадағы жетістіктерге қарамастан, туберкулез ауруы тақырыбы өзекті мәселе болып қала беретіні ешкімге құпия емес, өйткені ол әлеуметтік маңызды. Дәріскерлер жұқтыру жолдары, белгілері, жаңа емдік препараттар мен туберкулез диагностикасы туралы ғана емес, алдын алудың маңыздылығы туралы да айтып берді. Салауатты өмір салты, сондай-ақ БЦЖ егу, Манту сынамасы, жыл сайынғы рентгенография сияқты туберкулезге қарсы іс-шаралар ауру қаупін азайтады. Студенттер сұрақтар қойып, толық жауаптар алды.
