2021 жылдың 13 қыркүйегінде колледжде «Ұлы дала өркениеттері» жобасы аясында Толеугазы Баяндинович Байгалиевпен » Талантты тұлғалардың өмірлік жолы » атты шығармашылық кездесу өтті.
Толеугазы Баяндинович ҚР суретшілер одағының мүшесі, ҚР еңбек сіңірген қайраткері, Еуразиялық дизайнерлер Одағының мүшесі, Ресей кәсіби суретшілер одағының мүшесі, ҚР Ұлттық дизайн академиясының академигі.
Суретші өз жұмыстарымен таныстырып, өмірі мен шығармашылығы туралы әңгімелеп, жоспарларымен бөлісті. Суретшінің жұмыстары мен кездесуі студенттердің үлкен қызығушылығын тудырды.
Кездесудің мақсаты ұрпақтар сабақтастығын дамыту, ұлттық және мәдени бірегейлікті сақтау, жастарды өз халқының мәдениетіне, халық шығармашылығына баулу болып табылады.
