2021 жылдың 2 наурызында «Жалпы білім беру және жалпы гуманитарлық пәндер» апталығы аясында оқытушы Кульназии Данышпановна Турлыбекованың жетекшілігімен «Емдеу ісі» мамандығының 1 курс студенттері арасында «Қазақ халқының ұлы көсемі — Ахмет Байтұрсынов» тақырыбында онлайн режимінде дөңгелек үстел өткізілді.
Іс-шараның басты мақсаты: қазақ халқының әлеуметтік, саяси, мәдени, тарихи өмірінде орны айрықша зор тұлға – Ахмет Байтұрсынұлының халықтық тәлім-тәрбиелік ойларының негізінде студенттер бойына адамгершілік, ұлтжандылық, отансүйгіштік қасиеттерді дарыту; ақын, қоғам қайраткері, педагог-ұстаздың құнды мұраларын дәріптеп, жас ұрпақты ұлттық рухта тәрбиелеу.
Студенттер іс-шараға белсене қатысып, өз мақалалары мен өлеңдерін оқыды. Сондай-ақ олар А.Байтұрсынов туралы презентацияны, бейнені көріп, өз әсерлерімен бөлісті.
