2018 жылдың 4 желтоқсаны күні «Даналық» колледжінде «Жалпы білім беру және жалпы орта білім беру пәндері» ЦӘК тарихшылар мен құқықтанушылар онкүндігі аясында Қазақстан Республикасының Тұңғыш Президенті күніне және Тәуелсіздік күніне орайластырылған және Елбасының «Ұлы даланың жеті қыры» мақаласының негізінде тарих пәнінің оқытушысы Қолдыбаев Дулат Отарбайұлы «Тарихи тағылым — Қазақ елі» атты брейн –ринг өткізді. Іс-шара жас ұрпақты патриоттыққа тәрбиелеу, халқымыздың тұлғаларын, ұлттық құндылықтарын, әдеп-ғұрыпын дәріптеу, қастерлеу, насихаттау мақсатында өткізілді.
Сайыс барысында қазақ халқының ерекше салт-дәстүрлері, мақал –мәтелдері және қазақ топырағынан табылған құнды археологиялық жәдігерлер, ел үшін қымбат есімдер туралы сұрақтар қарастырылып студенттердің қызу талқысына түсті. Іс-шарада сонымен қатар қазақ медицинасының тарихынан және Елбасының медицинаны сандық технологиялармен ұштастыруға қатысты бастамасына сәйкес заманауи медицинаның жетістіктері туралы да сұрақтар қамтылды. Іс-шараға 120 студент қатысты.
 |
 |
 |
|